MITOGALI

Primeiro xogo de rol enteiramente galego, pola temática, polo creador, polo deseñador, polo maquetador, pola editorial, pola lingua.

Meigas, mouras, tardos, nubeiros, lamias, urcos, pupieiriñas… son parte das personaxes que poboan o noso rico patrimonio cultural de seres mitolóxicos, seres que forman parte da nosa vida, da vida dos nosos avós e avoas, seres aos que coñecemos grazas aos contos de vellos e vellas ao pé das lareiras, seres que pouco a pouco se están a perder na memoria colectiva, que pouco a pouco imos esquecendo por descoñecemento.

Con idea de que isto non suceda é polo que Dornavela edicións navega entre a memoria do noso pobo para recuperar a estes seres mitolóxicos en dous formatos: un xogo de rol onde cada personaxe tes asignada unha carta coas súas características e habilidades especiais e un ficheiro  complementario onde poder coñecer máis a fondo a cada unha delas, coas súas cousas boas e malas, coas súas rarezas, bondades e maldades.

Se queres coñecer a eses seres que comparten o territorio, a vida, a morte con nós, aquí podes atopalos.

Podes adquirir aquí o xogo de rol por separado ou mercalo xunto ao ficheiro coas características das 25 personaxes.